--->>> إبتلاء أم غضب من الله ؟ <<<---

أعضاء وعضوات عرباوى الكرام أتمنى أن تكونوا جميعا بخير وسلام

موضوع النهاردة هو عبارة عن تساؤل بيدور في بالي باستمرار وخاصة عندما أقرأ

الردود من مشاركتكم في بعض الموضوعات وخاصة اللي بتناقش المشاكل اللي فيها مصر

من أزمات خبز وبنزين واحتكار حديد وتسريب امتحانات وغش جماعي وظلم وفساد وارتفاع

أسعار وبطالة وعنوسة و و و و..

التعليق من الغالبية العظمى بيقول ان الشعب اللي هو احنا كلنا اللي عاملين كده في نفسنا

وبنسكت وبيستشهد بالأية الكريمة "إن الله لا يغير ما بقوم حتى يغيروا ما بأنفسهم"

واننا لازم نعمل حاجة علشان البلد يتصلح حالها

بشعر اني المفروض أعمل حاجة بس ايه هي مش عارفة وبشعر بالتقصير

بس مش عارفة ايه اللي ممكن يتعمل يخلي البلد دي تبقى كويسة ويقل الفساد والظلم

اللي ظهر بشكل كبير أوي

وفي نفس الوقت بشوف الناس بتتحرك وبتعمل مظاهرات ووقفات احتجاجية

للمطالبة بحقوق لهم أو الاعتراض على شئ معين

ولكن بيكون فيه تجاهل من الطرف التاني

يعني الناس بتتحرك أهو المفروض يعملوا ايه أكتر من كده ؟

السؤال هنا واللي بيدور في بالي وعايزة أعرف وجه نظركم فيه

هل اللي بيحدث ده شيفينه غضب من ربنا علينا ؟؟

ولا اختبار وابتلاء من الله علشان يشوف مدى صبرنا على المصائب ؟؟

طبعا الله أعلم بحقيقة الغيب بس حبيت اني أعرض الموضوع وأشوف بتشوفه من أي جانب

ولو الشعب فعلا مقصر وعلينا واجب ايه اللي ممكن الناس تعمله

مش مجرد كلمه وبنقولها وخلاص علشان نرمي مشاكلنا على شماعة ان علينا دور بس

ايه هو ... --->>> إبتلاء أم غضب من الله ؟ <<<--- Whistling

--->>> إبتلاء أم غضب من الله ؟ <<<--- Whistling

أتمنى أن تكون المناقشة ايجابية وأنا ينال الموضوع استحسانكم

في حفظ الله جميعاً

ربنا يصلح الاحوال
ده يعتبر غضب من ربنا لان الناس دلوقتى بعيده عن ربنا
المفروض نقرب من ربنا اكتر

شكرا على موضوعك ياجميل
لك تحيتى