تيتانيك البحر الاحمر وقانون سكسونيا الجديد

السلام عليكم ورحمة الله وبركاته ....

بسم الله الرحمن الرحيم

نحن نعيش بين جنبات الوطن العزيز مصر ونشعر بالعدل فيه على طريقتنا الخاصه فمثلا لو كنت انت المظلوم يبقى " ياويلك ويا سواد

ليلك وابقى شوف مين يجيب لك حقك "

وعلى العكس تماما لو كنت انت الظالم يبقى " تدفع كام ياعم الحاج ونخليك مظلوم ؟ "

لا سبيل الا احتمال ما يحدث من مظالم والالام الا الاحتماء بالا يمان و بان لله حكمة وان لكل ظلم نهايه ,ربما حتي يبدأ ظلم جديد, ظلم

وراء ظلم, الم وراء الم

لا يكف الناس عن التألم من المظالم والاستعداد لمظالم جديده

شاهدنا بالامس وسمعنا قرار المحكمه بالافراج عن ممدوح اسماعيل ومتهمى قضية غرق العبارة المصريه السلام 98

وقرار المحكمه كان صدمه للجميع بل نكبه بكل المقاييس اخر ماكنا نتوقعه فعلا هو ان القضاء المصرى ( النزيه ) تشوبه شائبه

ولنكن واقعيين بعض الشىء كنا اخر مانتوقعه ان تصبح سياسة القضاء مثل سياسة الحكومه الباهته

ولكن نستطيع ان نقول ان الادله والبراهين والكلام اللى على ( ورق ) هو مايحكم به القضاء فى مصر

يعنى انت قتلت وتقدر تثبت انك مظلوم بالادله والبراهين المكذوبه يبقى مبروك عليك الافراج ياعم الحاج

خلينا بقى فى موضوعنا الاساسى

بصوت عال وبصراخ قال الملايين ( حسبنا الله ونعم الوكيل )

تم الافراج عن ممدوح باشا اسماعيل ونجله ملاك العبارة السلام 98

وبمجرد ان الباشا بعت فاكس من بلاد بره وقال فيه ان القبطان هو السبب صدقناه ويا للعجب

مش غريب على بلدنا فعلا مش غريب فى بلدى

الفقير يعيش فقير ويزداد فقرا ويموت فقير وكمان يندفن فى امعاء الاسماك وفى البحر

والغنى بقى ماشاء الله يدوس ... دوس ياعم الحج براحتك انت فى بلدك مش بلدنا


عندى مليون سؤال

هل القضاء نزيه وغير عادل ؟

ام نزيه وعادل .............................. امام ؟

لنفرض ان ممدوح باشا برىء ليه هرب من الاول بره البلد ؟

لما يموت اكتر من الف بنى ادم فى عرض البحر واللى تسبب فى موتهم ياخد براءة يبقى اسمه اييييييه ؟؟؟؟

طيب وليه قبض التأمين على العبارة وهو لسه متهم ؟

طيب وليه القضيه جنحه مش جنايه؟

طيب وليه قبطان العبارة بعد ما نجا اختفى نهائى ؟

طيب اثبت ان القبطان لسه عايش

لما طبيب يفقد اسرته قدام عينيه زوجته واولاده وفى الاخر القاتل ياخد براءه يبقى ده اسمه ايه ؟؟؟؟

لما الناس اللى نجيت من الغرق يتهربوا من مستشفيات الغردقة وسفاجا واهاليهم مايعرفوش عنهم حاجه يبقى اسمه ايه ؟؟؟؟

طيب ليه ماتش الاهلى والزمالك اتعمل فى اليوم ده بالذات ؟

طيب ايه رائيك فى الهتافات اللى حصلت والتهييس الشعبى بعد فوز الاهلى ؟

طيب فاكرين يوم غرق العباره مش ده كان نهاشى افريقيا ويوم الحكم ده كان نهائى السوبر ؟

طيب لو ده صح فسر العلاقه بين الرياضه والعبارة ؟

مين المتهم الحقيقى من وجهة نظرك ؟

هل دمنا رخيص للدرجه دى ؟

احنا فى مصر ولا فى انهى داهيه ؟

احنا ليه بنسكت ؟

**********

حكاية عمنا ممدوح



طالب ثانوى صناعى ........... بقى ميكانيكى صيانة ( سفن ) ............. هوبا بقى ملياردير ويمتلك شركات السلام المصريه للملاحه ... ده غير ان فى جرايد ومجلات بتقول انه خريج اكاديميه بحريه ودى كدبه

حكاية تيتانيك البحر الاحمر



قالوا عنها خربانه لاتصلح للابحار وغير مجهزة ................ وبغرور قائدها ابتلعها البحر .. ده غير ان ممدوح اسماعيل كان اشتراها هيا و4 سفن اخرى على اساس انها ( خرده )

حكاية اهالى



كانوا منتظرين ابنائهم من رحلة العناء والعمل الشريف واستقبلوهم بالصراخ والبكاء

حكاية غريق



فضلوا قاعدين مستنيين لحد ماغرقنا

وهل هانفضل احنا كمان مستنيين لحد مانغرق ؟

تحكم بأيه حضرتك على اصحاب االعباره والمتهمين دول ؟

بالرغم من انه المفروض الحكم يكون عسكرى يعنى امام محكمه عسكريه طالما ان عدد القتلى كتير جدا

وانا من وجهة نظرى ( المجنونه ) احكم عليهم بالاعدام 1034 مرة هاتقولى ازاى هاقولك فى حاجه اسمها تعذيب

وعشان الخطأ لا يكرر مرة اخرى

طبعا النائب العام تقدم بطلب طعن فى الحكم وهذا ما اثلج قلوبنا بعض الشىء ان كان يجدى بالفعل

لا عزاء للعداله وان لم نتحرك فلا عزاء للمصريين

وانا أسف جدا